Nimin tlai khan Lunglei DC Pi K. Lalrinzuali chuan Nghasih zau Lungleia vaimim chingtute tlawhin Fall Army Worm-in thlai a tihchhiat dan a hmunah tlawhin Agriculture Department-a thawktute hmalakna a en. 

Nghasih zauah hian thla hmasa April ni 3 atang khan Fall Army Worm pangang hmuh tan a ni a. Agriculture Department-a thawktuten a rang thei ang bera hma lain damdawi hmangin Fall Army Worm te hi kah nghal a ni a, tunah hian heng pangangte hi an tam tawh lo hle a, vaimimte pawh an tha chhuakin an vui tan tawh a, lo neitute hian 100 a 80 chu thar thei turah an inngai a ni. A hmuna tlawhtu Lunglei DC Pi K. Lalrinzuali chuan Agriculture Department-a thawktute thawhrimna leh lo neitute taihmakna avanga hetianga an vaimim chinten that lam an pan chho chu lawmawm a tih thu a sawi. Nghasih zauah hian vaimim thar zawhah Buh ching leh tura hmalak a ni a, a eichhetu pangang a awm zui loh nan a lei leh buh chi uluk taka sawngbawl chhoh mek a ni bawk.