3860/2023-2024

LUNGLEI; the 16th February, 2024 : Vawiin  chawhnu  khan Deputy Commissioner Pi Ramdinliani,IAS, CALA & Addl DC Pu Donny Lalruatsanga leh official dangten NH 302 kawng siam mek chu an tlawh a, BNR Construction leh NHIDCL hotuten  lo hmuak in an hnathawh kal mek dan te an  lo hrilhfiah.

Pachang khua ah BNR Camp ah meeting neih a ni a, hetah hian culvert siam chungchang a harsatna an tawh te, hnathawh kal mek chungchang a harsatna an neihte  a hnenah an lo thlen a. DC chuan Tlabung to Lunglei chu April thla tir atang chuan darkar 3 a thlen hman ngei theih turin theihtawp chhuah turin a hrilh a ni. Hei bakah hian Phairuangkai lei siammek a endik nghal a. Hmalak zel dan tur a enpui a ni. DC chuan hnathawh kal mek ah hmasawnna tam tak a awm avangin lawmawm a tih thu a sawi bawk a ni.