Tukin zing khan Lunglei DC Pi Lalzarmawii IAS chuan Pukpui leh Haulawng inkar kawngpui siam that hna thawh kal mek chu hna thawh dan leh hmachhawp enfiahin a hmunah a tlawh.

Lunglei PWD SE Er C. Lalchhuana leh a thawhpui DC hi an lo dawng sawng a, Pi Lalzarmawii chuan helai kawngpui hi Chhim lam District pathumte mamawh chawkluhna kawngpui pawimawh lai ber a ni tiin a siam that hna chu chak takin kalpui a duh thu PWD hotute hnenah a hrilh a. PWD hotuten helai kawngpui siam nan hian an duh ang tawk Lung lei tur an hmuh loh avanga hna a chak theih loh thu an lo hrilh a.

Pukpui leh Haulawng inkara hmun hnawng leh chhe duh bik lai ah Cement block Rigid Pavement hmangin hmun 13 ah kawng hi siam tur a ni dawn an ti a, helai kawng siamthatna tur bik atan hian Sawrkar atangin cheng nuai 170 hmuh a nih hnuah cheng nuai 100 pek belh leh an nih thu sawiin hei bakah hian cheng nuai 100 an dil belh leh mek tih an sawi bawk a ni. LungleiDC hi Lunglei MJA President Pu Lianchama Chhangte leh MJA member dang engemawzatin an tawiawm a ni.