Vawiin khan Lunglei DC Pi K. Lalrinzuali chuan a office chamber-ah Tuipui D a cheng Vanlalliana hman tur wheelchair chu Vanlalliana a pa Pu H. Lalmuanawma leh Tuipui D VCP Pu F Lalthantluanga hnenah a hlan.

Thla kal ta May ni 26 khan Lunglei DC Pi K. Lalrinzuali leh official engemawzatin Tuipui D tlawhin khawtlang hruaitute nen inkawmhona hun an hmang a. He an inkawmhona ah hian an khuaa pianphunga rualbanlo Vanlalliana wheelchair mamawh thu anlo thlen a ni. An dilna chu bawhzui sak niin vawiin khan Lunglei DC chuan wheelchair a hlan a ni. Pi K. Lalrinzuali chuan Social Welfare Department kaltlangin sawrkarin pianphunga rualbanlote tan ham?hatna chi hrang hrang a ruahman tih sawiin heng Scheme te hi hmelhriat ve turin a chah a ni.

Vanlalliana S/O Pu H. Lalmuanawma hi kum 31 mi niin a naupan tet laia vanduaina a tawh avangin a kut leh ke a hmang theilo a. Vawiina wheelchair a dawn hi a wheelchair neih vawikhatna tur a ni.