2340/2023-2024

Lunglei; the 17^th October, 2023: Nimin chawhnu dar 2:00Pm khan District Bawrhsap leh District Eection Officer ni bawk Pi Ramdinliani chuan a office chamber-ah YMA Sub Hqrs, Lunglei hruaitute  chu kan hmalawka Inthlanpui kan neih tur chungchangah a kawm.

Pi Ramdinlian chuan Inthlanna Felfai leh Muanawm tak neih tur chuan sawrkar hnathawk te chauh hi kan  tawk lo fo va, kan zavaia kan tan ho a ngai tak zet a ni. YMA Sub Hqrs Lunglei chu tlawmngai pawl mipuiin an zah leh an inthlamuanna innih angin, Inthlanna felfai leh muanawm kan neih theih nan pawh hian min tanpui leh tanpui  loh hian kawngro a su hle dawn a ni. Chuvangin nidanga sawrkar tha in lo tihchak tawh thin angina, tun tum Inthlanpui kan hmachhawn turah pawh hian theitawp chhuaha min thawhpui turin ka ngen tak meuh meuh che u a ni. Tlawmngai pawlin min tanpui theihna kawng hi a tam em em a,vote thlak ni a Voters’ Assistant Booth(VAB) atanga Polling official te  leh Security personnel te lo tanpui kawngah te, khaw hrang hranga Polling Party te lo buaipui kawngah te,  Model Code of Conduct  mitinin kan zawm that theih nana hmalak kawngah te, Zu leh Ruitheih thil lengvak tur ven kawngah te, dik lo taka therhlo leh sum hman tum te ven kawngah te,Kum upa te leh pianphung rualban  loh (disabled) leh  voters chakvak lo(infirm voters) te vote thlak tura tanpuina kawngah te leh thil dang dangah  Sorkar in YMA Sub Hqrs Lunglei a mamawhna hi a tam hle a ni,a ti.

YMA Sub Hqrs Lunglei hruaitu te pawhin theitawp chhuaha  DC chu an thawhpui tur thu hrilhin, hun kal tawha Inthlannaa an tawnhriat leh an thil  ngaimawh te tarlangin,thurawn in pe tawn zel chunga boruak muanawm tak hnuaia Inthlanna Felfai leh thianghlim tak a awm theih nan chak taka thawkho zel turin an rel a ni.