2339/2023-2024

Aizawl, the 16th October, 2023: Vawiin khan Pu Madhup Vyas, IAS, Chief Electoral Officer, Mizoram & Chairman, SSCAE hovin a Office Chamber-ah State Steering Committee for Accessible Election (SSCAE) an thukhawm.

Pu Madhup Vyas chuan mitin banphak leh kalpawh theih inthlanna nei tura District hrang hranga thahnemngai taka hmalak a ni chu lawmawm a tih thu a sawi a. Polling Station tina vohbik PwD voter awmte chhinchhiah leh a tul anga ngaihven zel te, harsatna an tawh loh nana hmalakte leh anmahni buaipui kawnga tulte inzirtirna training buatsaihte chu ngaihpawimawh tur a nih thu a sawi.

Social Welfare, Tribal Affairs, Women & Child Development Director Dr. Lalhriatzuali Ralte, IAS chuan September ni 27 atanga October ni 13, 2023 chhunga PwD te puala Assessment & Certification Camp buatsaih dan tarlangin, District 11 a khaw 26 ah neih a nih thu a sawi a.  Tarlan a nih danin he camp kaltlang hian electoral roll-a chuang PwD 2031, Assessed PwD 1129, Assessed PwD Medical Board pawmpui ngai 564, Camp atanga voter certified 688 leh kum 18 chunglam UDID hnuaia mi 3947 te an tel a ni.

He hunah hian Pu Henry C.Lalrawnkima, Deputy CEO & Member Secretary hnen atangin SSCAE hmalakna report ngaihthlak a ni a. Inthlanna hlawhtling siam kawnga PwD voter-te tana ruahmanna felfai tak siam chu thil tih makmawh tak a nih thu tarlan niin, DEO te hmalaknaa checklist bawhzui dan turte sawiho niin ngenna siam ni se an ti a. PwD Assessment Camp-a tel an tam zawk theih nana hmalak tulte ngaihtuah niin, District Steering Committee on Accessible Election (DSCAE) thukhawm tum hnih tal neih a tul thu tarlan a ni a. PwD te tana in lama vote thlak theih dan turte, an puala Special Awareness Campaign buatsaih chungchangte, polling personnel-te training huna sign language telhte bakah PwD voters record kimchang siam dan turte an rel bawk.