No.1382/2020-2021

Lunglei DC chuan a hnuaia tarlan ang hian 25/05/2020 ah khapna thupek a ti chhuak e.

Lunglei District mipuite an lo him leh zual zawk theih nan COVID-19 hrileng avanga India ram puma inkharkhipna (Lockdown) kalpui mek chhunzawm zel tura Sorkar Laipui in ruahmanna a siam angin Mizoram Sorkar pawhin inkharkhipna chu ni 31.05.2020 thleng kalpui chhunzawm turin Order No.B.13021/101/2020-DMR/Pt-III dt 17.05.2020 hmangin thuchhuah a siam a. He order chungchangah hian sorkar-in Lehkha no.B.13021/101/2020-DMR/Pt-III dt 24.05.2020 hmangin thuchhuah a siam leh a. Sorkar thupek bawhzui in leh Corona Virus laka invenna atan thupek chhuah ngei tul in ka hria a.

Chuvangin, kei, V.LALSANGLIANA, District Magistrate, Lunglei District hian Sec.144, Cr.PC 1973 in thuneihna min pek angin a hnuaia thupek hi ka chhuah e.

Lunglei District chhungah tlai dar 7:00 leh zing dar 7:00 inkarah pawn chhuah khap tlat a ni a. He thupek hian Magistrate, Police, Hospital & Medical emergency, Central/State Government/ District Magistrate in phalna a pek bik te leh COVID-19 chungchanga duty te a huam lovang.

He thupek bawhchhetu chu section 188 IPC hmangin hrem theih a ni ang.

He thupek hian Lunglei District-ah thupek tihchhuah ni atanga Sorkar in inkharkhipna a kalpui hun chhung a huam ang.

He thupek hi District Magistrate seal nemin vawiin 25th May, 2020 (Thawhtanni) hian ka hming ka ziah hnan e.