Vawiin chawhma dar 10:00 khan Lunglei DC Conference Hall ah Lunglei Bawrhsap Pu V. Sapchhunga kaihhruaina in NLUP Line department hotu te leh NLUP Chief Media Officer Pu David L.Thangliana leh a mah zuitu journalist 3 te an in kawm a.Nimin date 19th, November,2012 khan NLUP hmalakna thenkhat chu NLUP Media Cell leh Journalist te hian Pu Pu Zathangliana, Nodal Officer, NLUP Lunglei District hovin an entawh bawk a ni.

Lunglei Bawrhsap chuan NLUP Media Cell te chu an thil hmuhdan pehhel neilova sawi tur leh an hmasawnna tur kawng te kawh hmuh an nih theih chuan Lunglei District chhunga NLUP hmalakna in a sawtpui hle ang a ti a. Chief Media Officer,NLUP pawhin NLUP beneficiaries te hmalakna leh line department te tanpuina an kalpui dan zirchian chu NLUP hmasawnna atana thil tangkai ah sawrkarin a ngai a ni a ti.

NLUP Media Cell rawn tawiawm tute hi Pu V. Zoramthara, Jt.Editor, Evening Post, Isaac Laldinthara, Zozam Times leh Ricky Vanlalnghaka, Jt.Editor Mizo Aw te an ni a. Meeting ah hian Line Department ten an hmalakna leh harsatna an tawh dan te an tarlanga, zawhna leh chhanna hun pawh hman nghal a ni. NLUP Media Cell leh Journalist te hian vawiin nilengin NLUP hmalakna Lunglei leh a chhehvel ah an tlawh kual leh ang.