2299/2023-2024

LUNGLEI; the13th Oct 2023:  Vawiin chawhma dar 11:00Am khan  Lunglei DC leh District Election Officer ni bawk Pi Ramdinliani IAS  leh Superintendent of Police  Pu Rahool Alwal,IPS, ten a rualin Kan hmalawka MLA inthlanna lo  awm tur chung changa hriattur hrang hrang inhrilhhriatna hun(Joint Press Briefing) Lungleia Chanchinthar thehdarhtute DC Conference Hall an nei pui.

Vawiin Joint Press Briefing hi bawrhsap Pi Ramdinliani'n a kaihruai a, Bawrhsap chuan inthlanna felfai leh muanawm a awm theih nan chanchin thar thehdarhtute chu an pawimawh thu sawiin;mipui sukthlek tihdanglam theitu an nih a vangin, lai taka an thuziakte kalpui thin tura chahin,tun tum MLA inthlanna kan hmachhawn tura mipui hriattur pawimawh hrang hrang sawrkarin thuchhuah a siam thin te chu a tul ang thehdarhpui turin a ngen hlawm bawk a ni.

Lunglei SP Pu Rahool Alwal pawhin MLA  inthlanpui lo awm tura venhimna chung changa an inpuahchah dan kimchang report peiin,Lunglei district a  inthlanna felfai leh muanawm a awm theih nan a a tha thei ber tura an inpuahchah thu  tarlangin; Inthlanna felfai leh muanawm kan nei tur tihthuanawp zawnga che an awm chuan rang taka action lak zel a nih tur thu leh  Police pawh duty ngaihthah an awm chuan  rang taka  an chunga hremna chelek  a nih tur thu a tarlang.

MJA President  Pu Laltlanthanga pawhin MJA aiawha thu sawiin, MLA Election felfai leh muanawm tak kan nei theih nana DC leh SP office te an inpuahchah dan leh an thawhrim zia kan hriatpui a, kan fak  che u in, kan lawm  hle a ni, a ti.MJA President chuan theitawp chhuaha an tawiawm zel tur thu DC leh SP te chu a hrilh hlawm a ni.

Tunah hian MLA Election-a  Subject hrang hrang buaipuitu tur Nodal officer 17 ruatfel vek tawh an ni a. Sector officers te, Assistant Expenditure observers te, Video Surveillance team te, Video Viewing team te, Static Surveillance  team te,Complaint Monitoring & Control Room, Flying Squad te leh Media Monitoring & Certification  Committee , Media Centre, Liaison Officer to Observers te.etc.te pawh din/ruatfel vek tawh niin, an mawhphurhna theuh bawhzuiin  hna an thawh mup mup tawh thu vawiin Briefing-ah hian tarlan a ni bawk.

Vawiin Joint Press Briefing-ah hian DC leh SP te hi Pu Liansangzuala chhakchhuak(P), Pu Donny Lalruatsanga, Addl DC(E), Pu Beihmotaosa Addl.SP leh Pu N.Vabeiratlua, DIPRO ten an tawiawm a ni.