2298/2023-2024

Aizawl, the 13th October, 2023: Kumin inthlanpui neih tur atana inpuahchahna kalzelah vawiin chawhma dar 11 khan Election Commission of India (ECI) buatsaihin NIC Video Conference Hall-ah inthlan kaihhnawiha dan palzutna awm thei ruihhlo leh a kaihhnawih, pawisa leh thil dang mante online kaltlanga report zung zungna Election Seizure Management System (ESMS) chungchang zirhona video conference kaltlanga neih a ni.

He hunah Enforcement Agency hrang hrangte telin Pu Santosh Pathariya kaihhruai ECI IT Team te'n ESMS chungchang zirtirna an pe a. He hun telpuitu Pu Pankaj Srivastava, Director, Expenditure, Election Commission of India chuan inthlanna muanawm, felfai leh hautak lo thei ang ber kalpui chu ECI duhdan a nih thu sawiin, vote zawn nana inthlemna hmanraw hrang hrang ruihhlo leh a kaihhnawihte, sum leh pai sem thinte vena man zel a tul thu a sawi a, enforcement agency-te hemi kawngah hian tan la turin a chah bawk.

Hemi hnurhian MCC Relaxations/Violation chungchang zirho nghal a ni bawk a. He hunah hian Pu R.Vanrengpuia, MCS, Deputy. CEO-I bakah Enforcement Agency hotu hrang hrangte an tel a ni.