2297/2023-2024

Dated Saitual the 13th October 2023: Vawiin khan Saitual DC Conference room ah Pu Manish Vijay, Expenditure Observer hovin Saitual a AC 3 Expenditure monitoring team te an thukhawm. 

Vawiin thutkhawmna ah hian Pu Manish Vijay , IRS ,Expenditure Observer chuan election felfai leh thianghlim taka neih chu expenditure monitoring team in an tum ber a ni, a ti a. Election thil a kan hna tamtak te chu phurrit a nei lovin hlim takin thawh i tum zawk ang u, a ti. Political party tin ten in rualkhai taka election an tel theih nan a hmalak chu an tihtur a nih thu sawiin, thawhhona tha neih a pawimawh takzet a ni, a ti.

Candidate te pawh a theih anga hrilhhriat a election expenditure book pawh maintain dan zirtir a ngaih thu sawiin state tin ten anmahni state theuh a zir in buaina an nei vek a, Mizoram pawh in Mizoram bik atana state dang te ang ni lo harsatna an neih ve tho a rin thu sawiin, a pawimawh ta ber chu voter te thil diklo hmanga an vote huiluh tumna lo dan chah chu a ni, a ti.

Pu Manish Vijay chuan inspection ni tur pawh sawi nghal in 1^st inspection chu October ni 26, 2023 ah a ni anga, 2^nd inspection chu November ni 1 ah a ni leh anga result puan zawh in Third inspection neih a ni ang.

He hunah hian Dr Lalngura Tlau, District Election Officer pawhin thu sawiin fimkhur taka hnathawh tur a ni, a ti a. Election Commission of India website ah election kaihhnawih thil chi hrang hrang download tur a awm a, chung chu download a chhiar thin tur in a chah a. Team hrang hrang te chu inkhairual  taka kal tur a nih avangin an inkarah  inpawhtlanna tha tak a awm a pawimawh a ni, a ti.

Vawiin a Saitual AC Pathum a election expenditure monitoring team  te thutkhawmna ahhian Election kaihhnawih atana pawimawhte zirtirna pek niin, zawhna leh chhanna hun hman a ni bawk a ni.