2296/2023-2024

Khawzawl, 13th October 2023: Khawzawl District Election Officer, Tuichang bial Returning Officer ni bawk Pu K. Lalrohlua chuan Conduct of Elections, 1961 Rule 3 hnuaiah inthlan hriattirna ‘notice of election’ a hnuaia mi ang hian a chhuah.

1. 22-Tuichang ST (A/C) Assembly Constituency aiawh Mizoram Legislative Assembly member tur inthlanna neih a ni dawn a.

2. Nomination paper hi candidate emaw amah thlawptuin Returning Officer Pu K.Lalrohlua hnenah emaw Assistant Returning Officer Pu Lalthakima Chhangte hnena thehluh tur a ni. Nomination hi vawiin (13.10.2023) atangin Khawzawl Deputy Commissioner Office-ah chawhma dar 11:00 atanga chawhnu dar 03:00 chhungin a thehluh theih a. Sawrkar chawlhni (public holiday) tih lohah chuan October ni 20, chawhnu dar 03:00 thleng nomination thehluhna hun hi hawn a ni.

3. Nomination paper form te hi RO leh ARO te hnenah lak theih reng a ni.

4. Nomination lut te chu October ni 21, 2023 chawhma dar 11:00 ah Returning Officer Office -  Khawzawl DC Office Chamber-ah endik an ni ang.

5. Candidate inhnukdawk duh te chuan anmahni ngei kalin emaw anmahni thlawptu (proposer) emaw election agent-in emaw Candidate in ziaka phalna a pek kengin Returning Officer emaw Assistant Returning Officer hnenah October ni 23, 2023 chawhnu dar thum thleng  an inhnuhdawhna hi an thehlut thei ang.

6. Inthlan chuhtu an awm anih chuan,  November ni 7, 2023 zing dar 07:00 atanga tlai dar 04:00 chhungin inthlan hi neih tur a ni.