2295/2023-2024

Dated Serchhip, the 13^th October, 2023: Vawiin khan Serchhip District Election Officer Pu David Lalthantluanga, Serchhip DC leh SP Pu MS Dawngkima te chuan MLA Inthlanpui 2023 lo awm tur chungchangah chanchinbumite ko khawmin Serchhip DC Meeting Hall-ah Serchhip District chhung Assembly Constituency pathuma voter dinhmun leh inthlan hmachhawn tura inpuahchahnate an sawi.

Election Commission of India (ECI) chuan General Election to the Mizoram Legislative Assembly, 2023 vote thlak hun chu No.ECI/PN/57/2023 dt 09.10.2023 hmangin  November ni 7, 2023 (Thawhlehni) a nih tur thu an lo puang tawh a. A hnuaia tarlan ang hian Election Schedule siam a ni:

 Section 31 of Representation of Peoples’ Act 1951 hmangin inthlana RO ten notification vawiin hian an tichhuak a. Candidate te tan vawiin dar 11:00am atangin nomination file tan nghal theih a ni a. Nomination file theih ni hnuhnung ber October 20, 2023 thleng hian office chawlh ni tih lohah chuan, chawhnu dar 3 thleng nomination hi file theih a ni ang. RO leh ARO te hming leh address chu hetiang hi a ni: 

1. Returning Officers

2. Asst. Returning Officers

He inthlanpui neih turah hian District Election Officer, Serchhip chuan inbuatsaihna hrang hrang nei tawhin, ruahmanna hrang hrang te a hnuaia tarlan ang hian siam tawh a ni:

1.     Electoral Roll: Ni 01.10.2023-a kum tling chin te tan Electoral Roll ennawnna 2nd Special Summary Revision of Photo Electoral Roll 2023 chu tluang taka neih a ni a. Final Electoral Roll hi October ni 4, 2023-ah tlangzarh a ni. Final Electoral Roll-ah hian Serchhip District ah vote nei mipa 26,265, hmeichhia 27,887, belhkhawmin mi 54,152 an awm a. Service voter 413 an awm bawk. Electoral Roll nihphung tlangpui chu hetiang hi a ni:-

1)  Elector tamna ber Assembly Constituency: 26-Serchhip AC (20,609)

2)   Elector tlemna ber Assembly Constituency: 28-Hrangturzo AC (16,640)

3)  Mipa 1000 zela hmeichhe awm zat : 1062 

4)   Part/Polling Station-a Elector tamna ber: 22-Serchhip-XII (977)

5)   Part/Polling Station-a elector tlemna ber:  31- Vanchengte (95)

2.     Polling Stations:  Serchhip District ah polling station 88 a awm a, khawpui (urban) ah 38 awmin, thingtlang (rural) ah 50 a awm. Heng polling station ah te hian ECI in awm tura a tih Assured Minimum Facilities (AMF) te chu dah vek a ni ang. Assembly Constituency tinah hmeichhia-in an vil polling station (Pink Polling Station) 2 theuh neih tum a ni. Assembly Constituency tinah vote thlaktute tualchhuak hmanraw hmanga siam leh zia tarlanna Unique Polling Station pakhat tal a awm bawk dawn a ni. Commission thupek angin critical polling station zawng zawngah leh polling station awm zawng zawng zatve (50%) aia tlem lovah webcasting tih tum a ni. Critical Polling Station tur te pawh Sector Officer ten an tlawh hnua an report a zirin ngaihtuah leh tura tih a ni.

Pink Polling Station te:

26-Serchhip (ST) AC atangin :- 26/18-Serchhip VIII (Hmar Veng PS) leh 26/27-New Serchhip V (PCR High School)

27-Tuikum (ST) AC atangin:- 27/24-Chhiahtlang II (Govt.High School) leh 27/27 Chhiahtlang V (Govt. PS-II)

28-Hrangturzo (ST) AC atangin:-28/23 N.Vanlaiphai I (N.Vanlaiphai HSS) leh 28/24 N.Vanlaiphai II (Govt. Oriental MS)

Unique Polling Station te:

26/3 –Thenzawl III (Serchhip AC);  27/26-Chhiahtlang IV (Tuikum A/C) leh 28/3-Biate I (Hrangturzo AC)

3.         Postal Ballot/Home Voting Facility:    He facility hi PwD Voters, leh kum 80 chunglam, Senior Citizens te hnenah pek tel a ni ang. 

4.         Eco-Friendly Election:     ECI chuan political party te leh candidate te chu single-use plastic leh tawih theih lo hmanrua hmanga campaign kalpui lo tur leh environment tana him hmanrua chauh hmang turin a ngenin a beisei a. Hriselna leh environment venhim a nih theih nan political party zawng zawngte'n single-use plastic hmanga campaign-na hmanrua siam a nih loh nan hma an la ngei tur a ni.

5.         Election Expenditure Monitoring (EEM):      Election-a candidate te sum hman dan ngun taka vil turin EEM team a hnuaia tarlan ang hian din a ni: 

   1) Assistant Expenditure Observer - AC tinah 1 

             2) Flying Squad Team (FST) - AC tinah 2

             3) Static Surveillance Team (SST) - AC tinah 2

             4) Video Surveillance Teams (VST) - AC tinah 2

             5) Video Viewing Teams (VVT) - AC tinah 1

             6)   Accounting Teams (AT) - AC tinah 1

  7)  Media Certification & Monitoring Committee (MCMC) - District atan   pakhat din a ni. 

6.        Use of Media & Information Technology (IT):  Election laia media hrang hrang tangkai taka hman a nih theih nan leh media mite nen thawhhona tha a awm theih nan Media Centre chu DIPRO Office Serchhipah siam a ni a. District level IT team din a niin khua leh tuite zau zawka Election Process a an tel theih nan leh langtlang taka thil kalpui a nih theih nan ECI chuan nasa zawka IT Application hrang hrang Voter Helpline App & VSP, Saksham App (PwDs tan), c-VIGIL App (Inthlanna kaihhnawiha complaint thehluhna tur), Suvidha App & Portal (candidate leh political party te tan) leh Know Your Candidate App (candidate te chungchang tarlanna) a siam a, hengte hi tangkai taka hman a ni ang. Voter Helpline number 1950 siam a ni a, he phone number ah hian englai pawhin election chungchang hriat duh nei leh complain siam duh tan biak pawh theih a ni.   

7.    Training: District Level Master Trainers, Assembly Level Master Trainers, Police Officers Training, Sector Officers, political party leh sawrkar department Nodal Officers te tan training neih fel a ni tawh a. Election fel leh thianghlim neih a nih theih nan a tul ang zelin training hi vote thlak ni thleng neih chhunzawm zel a ni ang.

8.     Systematic Voters' Education and Electoral Participation (SVEEP): Vote a tam thei ang ber a tlak theihnan SVEEP kalpui a ni a. Electoral Literacy Club changtlung tak Serchhip College ah leh District chhung Higher Secondary School hrang hranga din a ni a.  Hmalakna neih mek leh neih zel tum a ni.

9.    EVMs leh VVPATS: Tun inthlanpui-ah hian ECIL siam M3 model thar ber EVM/VVPAT hman a ni dawn a. First Level Checking (FLC) tihfel tawh niin EVM te hi strong room-ah fel fai taka dah that a ni tawh. Mipuiin EVM/VVPAT hman dan an hmuh a, an zir theih nan SVEEP hnuaiah “Vote thlak inzirtir dan” video tihchhuah a ni a. Serchhip DC Office, SDO (Civil) Thenzawl leh North Vanlaiphaiah EVM Demonstration Centre siam a ni a. Mobile Demonstration Van pawhin Polling Station area tin ah EVM hman dan zirna an kal chhuah pui tawh.

10.    Counting Plan: Vote chhiarna tur atan Assembly Constituency tin atan     counting hall pakhat zel ruahman a ni a, a bul hnaiah strong room pawh buatsaih fel tawh a ni. Hall tinah counting table 8 a awm dawn a ni.

11.    Model Code of Conduct:   Inthlan puan ni 09.10.2023 atangin Model Code of Conduct hman nghal a ni a. Candidate te, political party te leh sawrkar hnuaia awm zawng zawng ten an zawm tur a ni. MCC bawhchhiatna chu khawng takin umzui a ni ang. Police ten zu, drugs leh ruihtheihthil dang te uluk takin an check reng dawn bawk a, dan bawhchhetute chu dan in a sawi ang zelin an chungah action lak a ni ang.

12.    Election Observer: Election Observer (General, Expenditure leh Police) ten inthlan chhung zawngin min vil reng dawn a.  Micro Observer te pawh ruat an ni dawn a, anni hian Observer te an pui ang. Critical Polling Station a awm chuan, anni hi deploy an ni anga, counting neih hunah Observer te an pui dawn bawk a ni.

13.  Appeal: Tluang tak leh felfai taka General Election to Mizoram Legislative Assembly, 2023 hi neih a nih theih nan District Election Officer, Serchhip chuan mipuite chu theihtawp chhuaha thawhpui a, tawiawm turin a ngen a. Inthlanna zalen, thianghlim leh mi tin huap kan neihna turin media-te nena inrem taka thawk ho zel turin a ngen bawk a ni.