India ram Prime Minister Narendra Modi-an ngenna a siam angin Health & Family Welfare Department, Mizoram chuan a hnuaia mi ang hian ngenna a chhuah a, Lunglei District mipuite he ngenna hi ngai pawimawh a, zawm turin kan in ngen a ni e.
Tunlai khawvel pumin a buaipui COVID-19 hrileng laka kan lo him tlan zel theihna turin Ni 22.3.2020 (Pathianni) hian mipuite zing dar 7:00 atanga zan dar 9:00 thlengin tumah pawn chhuak lova, mahni chenna in theuha awm turin Mizoram sorkar chuan a ngen a. Tlai dar 5:00 ah he hrileng dona a hmalatute zawng zawng – Health Department-a thawktute, police leh venhimna lam thawktute leh midang thahnemngai taka thawktu zawng zawngte duhsakna leh zahna lan tir nan rithei chi hrang hrang – khuang, hamrik, khawnrik,etc te tiri turin a ngen bawk a ni.
He ngenna hi kohhran hrang hrang ten inkhawm leh kohhran programme dang siam lova chhungkaw tin ten chhungkaw maicham buatsaih tura hma an lakna nen pawh a inkalh loh vangin Ni 22.3.2020 (Pathianni) hi chhungkaw maicham buatsaih nana hmang tangkai turin kan in ngen e.
He ngenna hian damdawi lam thawktute, dan leh hrai kengkawh tute leh mipui mamawh rawngbawltute a huam lovang.
