Legal Metrology,Siaha leh District Consumers Association,Siaha  hruaitu te chuan nimin 19.3.2020 leh vawiin 20.3.2020 nileng khan Siaha khawpui chhunga eichawp zuar dawr lian zual 26 te  chu an thil zawrh a buk a dik leh diklohte,Maximum Retail Price an zawm leh zawm loh te leh mipui mamawh tak, duham luat vanga chheprelh a awm leh awmloh an enkual a. Dawr mai bakah an godown thlengin an fang vek a ni.An hmuh theih chinah thil diklo lutuk a awm lo.Buhfai bag thenkhat a rih zawng inziaklo te chu mipui bum theihna remchang tak ni a an hriat avangin a Kg zat leh a man chiang takin ziaksak vek a ni a. A lo thleng thar leh tur pawh chiang taka ziak turin dawrkaite chu hrilh an ni.Endik hna an thawhna-ah hian Buhfai bakah Chini bag,Alu bag,Archaw bag,Dailuah bag leh Atta te an endik bawk a ni.

Legal Metrology dept  leh Consumer hruaitute hian Siaha a POL Pump awm chhun - J.Rama Filling Station pawh tlawh nghalin pump neitu leh Manager ten an lo dawngsawng a,tunlai a oil harsatna te leh a dinhmunte,consumer ten rualkhai taka kan chan theih dan turte an sawiho bawk.