Vawiin khan Health Minister Dr.R Lalthangliana chuan Mizoram luhka pahnih Vairengte leh Bairabi tlawh in zin miten Covid-19 an vei leh veiloh endikna hmun siam te chu a hmun ah a tlawh a, endikna hna kalpui nana thil tul mamawh hrang hrang te a ruahmanpui nghal bawk a ni.

 Minister chuan khawvel chawkbuai mektu Covid-19 chu ngaihthah chi a nih loh thu leh Mizoram pawhin he natna kan ram a alo luh loh nan ramri kan a mihring lutchhuak endikna hna kalpui chu hna pawimawh tak a nih thu a sawi a. Dr R Lalthangliana chuan, ramri a invenna endik hna kalpui dan a enpui rualin, thawktute harsatna hrang hrang te chinfel sak leh Screening point a indaihlohna chungchang ah khawtual a hriselna enkawl kawng a thiamna bik nei te hman tangkai zel tum an nih thu a sawi bawk a ni. Vairengteah hian Screening point siam a nih atangin mihring 17573 endik tawh an nih thu leh mi engemaw zat inkhung hrang tur a hrilh an awm tawh thu thawktute chuan an sawi a ni. Minister hian Thermal Scanner enna leh hmanraw dang te a pe nghal a, Vairengte a Commerce & Industries Department check gate leh Vairengte Taxation check gate te a tlawh bawk a ni.

Bairabi Screening point tlawh leh in thawktuten an harsatna te an lo thlen a, thawktu indaih loh chungchang ah lawmman siam a khawtlang atanga tlawmngai thei te, Health department a hotute nen inrawn chung a ruai mai turin ruahmanna a siampui nghal bawk a ni. Bairabi a thawktute hian mihring 7858 an endik tawh thu Minister hi an lo hrilh a ni.

 Health Minister hian Screeng point a thawktute hman turin Hand Sanitizer leh Thermal Scanner engemaw zat a pe nghal bawk a ni.