Vawiin hian Lunglei DC thar Pi K. Lalrinzuali chuan a hna a zawm tan a, Lunglei Additional DC Pu Benjamin Lalzama, SDO (S) Pu Lalnundika, Election Officer Pu James Lalnithanga leh DC a officer dangte nen inkawm nghalin  District chhunga hnathawh dan te leh hmalakna hrang hrangte a sawipui a ni.

Pi K. Lalrinzuali chuan District chhunga hna thawh tawh leh hna kal mekte dinhmun hriat chian hmasak a duh thu sawiin District administration hlawhtling tur chuan DC Office thawktute thawhhona tha a ngaih mai bakah Department hrang hrang tanrualna a pawimawh a tih thu a sawi a. Department hrang hrang enkawltu Officer-te leh tlawmngai pawl leh khawtlang hruaitute kawm hmasak a tum thu sawiin tha taka sawrkar hmalakna te kalpui a nih theihnan theihtawp kan chhuah dawn a ni, a ti.

Vawiin vek khan Lunglei DC hian Lunglei SP Pu C. Lalthanmawia leh Police Officer pawimawh dangte pawh meeting neih puiin dan leh thupek kenkawh kawnga dinhmun tlangpui leh hmalak zel dan tur an sawiho.

Lunglei Bawrhsap thar Pi K. Lalrinzuali hi 1992 Batch MCS Officer niin Mizoram sawrkar hnuaiah post pawimawh tak tak hengte ASO II, Revenue Department, Joint Director, Transport Department, Joint Secretary, DP&AR, Additional Secretary Rural Development Department, Additional Secretary Horticulture leh SAD-te a lo chelh thin tawh a ni.

Attachment

  • Loading attachment...