Vawiin khan District Education Committee Meeting vawi 32 na chu DC Cinference Hall Keifangtlang ah neih a ni.

He hun hi an Chairman Dr. Naveen Agarwal, IAS, District Bawrhsap kaihhruaina hnuaiah neih niin member Secretary Pi K. Lalsiamliani, District Project Co-ordinator, SSA Mission chuan SSA hmalakna hrang hrang a report a. Residential Hostel, Girls Hostel ti a sawi mai thin Champhai a mi te, Residential Special Training Centre, Boys Hostel ti a sawi thin Khawzawl a mi te chu tluang taka kalpui zel a nih thu a tarlang a, School pangngai awm lohna khua - Saikhumphaiah Non-Resedential Special Training Centre tluang taka kalpui zel a nih thu leh Sawrkar School a zirtirtu awm lohnaah leh pakhat chauh awmnaah te Special Trainer 14 dah an nih thu a sawi a. Pi K. Lalsiamliani chuan Vohbik naupangte pualin kumtin hun hman a nih thu sawiin vohbik mi 50 vel te hnenah thilpek pek thin a nih bakah zirlai tarmit mamawhte hnenah pek ani a, Transport Allowance leh Escort Allowance pek a nih thu tarlangin an mamawh ang zel in Physical Therapy pawh Resource Roomah pek thin a ni a ti bawk.

Meeting-ah hian Grassroot Football Academy Centre 11 te chu tluang taka kalpui zel a nih thu leh School building tha tawh lo school 24 sak that zawh a nih tawh thu bakah khawtlang zirna ngaihpawimawh a  nih theih na atan zirtirtu leh SMC Chairman te tan Training buatsaih thin a nih thu. tarlan a ni. Pi K. Lalsiamliani chuan Midday Meal pawh tluang taka kalpui chhunzawm zel a nih  bakah kumin Financial Year ah hian Champhai District chhunga SSA hmalakna hrang hrang atan cheng nuaih 1799,065 approve atangin cheng nuaih 945.435 dawn a nih tawh thu te, chuta tang chuan cheng nuaih 903.761 hman a nih tawh thu te a tarlang a ni.

District Education Committee Meeting-ah hian Girls Hostel a lut tur thlan dan tihdanglam rawtna chu meeting hian a pawm a, kumin Financial Year atana Fund Approve atangin Procurement tihdan turte sawi hova pawm a ni bawk. Midday Meal kalpui danah hmasawnna a awm theihna atan District Education Committee  chuan Monitoring neih nise tih te an rel nghal a, Midday Meal 'TIthi Bhojan' chungchang inhriahfiahna hun an hmang nghal bawk a ni.