District AH& Vety hnen atanga report kan dawn danin  tunlai hian Lunglei District chhungah Vawk natna, Porcine Reproductive and Respiratory Syndrome (PRRS) a la leng mek niin hriat a ni a. Hemi hri leng avanga mipuite tan buaina leh harsatna a thlen loh nan thupek hi chhuah chhun zawm ngaiin ka hria a.

Chuvangin kei Benjamin Lalzama, District Magistrate,Lunglei District hian sec 144 of Cr. P.C. 1973-in thuneihna min pek angin a hnuai a mi ang hian thupek ka chhuah e.

                1. Vawk thi reng reng tha taka phum vek tur a ni.

                2.Vawk thi reng reng kham ah emaw kawr ah emaw paih mai mai loh tur

                3.Lunglei District chhungah khawi atang mahin Vawk lakluh phalloh a ni .

                4.Lunglei District chhung atangin Vawk lakchhuah phalloh a ni.

                5.Vawk talhtute'n Vawk hrisel tha chauh an talh tur a ni.

                6.Vawk neituten Vawk damlo an hralh tur a ni lo.

He thupek hian thu leh awm hma chu puan a nih atanga thla 2 (hnih) chhung a huam ang.

He thupek zawm lo te chu Sec 188 of IPC hmanga hrem an ni ang.