Office of the Deputy Commissioner, Lunglei District, Lunglei chuan ni 24 September 2015 khan a hnuaia mi ang hian Thupek a chhuah a ni :

"Directorate of Disaster Management & Rehabilitation atangin chhiatna lo thlen thut a hman turin Inflatable Boat (1 no.) leh Life Jacket (6 nos.) Tuipui D a dah turin dawn a ni a. Heng hmanruate hi ni 30.9.2015-ah Chairman, VDMC, Tuipui D kutah hlan a ni ang.

Chairman, VDMC, Tuipui D hian a hnuaia kaihhruaina ziak ang hian a lo enkawl ang.

INFLATABLE BOAT LEH LIFE JACKET CHUNGCHANGA HRIATTUR PAWIMAWHTE

1. Mizoram Sawrkar thuchhuak angin Inflatable Boat (1) leh Life Jacket (6) hi Village Disaster Management Committee (VDMC) kutah dah a ni ang.

2. Heng hmanruate hi Disaster Management leh a kaihhnawihah chauh hman tur a ni ang.

3. Village Disaster Management Committee, Tuipui D te hian heng bungruate hi dimdawi taka enkawlin, hmanloh lai chuan sazu leh thildang tihchhiat theihlohna hmunah vawn that tur a ni ang.

4. Disaster kaihhnawih ni lo a hman tulna a awm a nih chuan, a chhan felfai taka tarlangin, Deputy Commissioner, Lunglei hnenah dil tur a ni ang.

5. Heng bungruate hi hman zawhah phoro a, a hul hunah chauh dahthat leh tur a ni.

6. Mimal thila hman atan heng bungrua te hi hawh phal a ni lo.

7. A tulna a zirin hmun danga hman atan leh tih riral a tul a nih chuan Deputy Commissioner, Lunglei thuneihna a ni.