Vawiin hian Lawngtlai DC Conference Hall ah October ni 2 leh ni 9 inkara Swatch Bharat Cleanliness Week 2015 lo thleng tur hman dan tur Addl. DC Pu R. Lalsangluaia kahhruaiin rel a ni a, khawpui chhunga faina lama inzirtirna beihpui thlak dan tur ruahmanna hrang hrang siam a ni.

Faina Hapta hawnna inkhawm hi Lawngtlai khawpui lai li, Areopagy ah hman tur a rel a ni a, hemi ni hian khawchhung kawngpui pawimawh pali te chu hnatlanga phiahfai nghal tur a ni ang. Hapta neih chhung hian Faina lama inelna Veng tin, School zawng zawng, Office leh Kohhran Office zawng zawng, Hospital leh Jail tea then hrangin buatsaih a ni ang a.

School naupangte tan faina lam hawi On the spot Essay inziahsiak buatsaih a ni bawk ang. Hengte bakah hian Faina hapta hlawk taka hman a nih theih nana thil pawimawh dang dangte sawiho a ni bawka, a kharna hun neih dan tur leh hun hman dan turte pawh ruahmanna siam nghal a ni bawk.