National Disaster Response Force (NDRF), Guwahati ten October 5 -11, 2015 chhung hian Mamit tlawhin, chhiatrupna thlen huna tih tur leh tih loh tur inzirtirna hun an hmang dawn a hemi chungchanga ruahhmanna siamin vawiin khan Mamit DC Pu Vanlalngaihsaka hovin Mamit DC Conference Hall-ah District officer te, zirna in lam hotu te leh NGO te an thukhawm.
NDRF, Guwahati atang hian Team pakhat mi 30 awmna chuan Mamit ah hian zirtirna an pe dawn a. Zirlai, khawtlang hruaitute leh sorkar hnathawk te hnenah zirtirna hi pek tura ruahman a ni.
