Tunlai coronovirus (Covid-19) hri leng vanga ei leh bar kawnga hlauhthawmna awm thei chungchangah Lunglei District mipuite tana hriat tur thi pawimawhte a huaiah hian tarlan a ni.
Hen hri leng mek laka lo invenlawkna leh inpuahchana dan ngaihtuah tur leh kan ram leh district dinhmun te thlir hovin Lunglei District Task Force on Coronavirus pawh Dt. 12.3.2020 khan thutkhawm a ni a. Kan ei leh bar thil (Essential commotidities) lama kan dinhmun hlauhthawnawm a awm lova, buhfai pawh District pumpuiah March thla quota tur kan daih vek tawh a ni. Tin, FCI Godown, Lungleiah hian April/2020 thla quota daih stock a awm sa a. Fur atana inbuatsaih lawk ngaihna centre thenkhatah phei chuan fur chhung daih tur (monsoon stock) Oct/Nov thla thleng daih ngah tawh a ni bawk.
POL Motor oil, Diesel leh Petrol te leh LPG dinhmun pawh a tha a, Fuel phur tank lorry pawh ramri checking avanga muang thei deuh awm mahse load pangngai lo kal tur a awm reng a. Chawhmeh leh buhfai phur motor te pawh Vairengte check gate atanga report kan dawn angin tun dinhmunah han hlauh thawn thut tur a awm lova, sorkarin bungrua leh ei leh in tur phur motor a chaw lut reng a, ni dang ang thovin a pangngaiin mipui mamawh a lo lut reng a ni. Dawrkai leh sumdawng ten bungrua leh an zawrh sum te lo chheprelh lova mitin mamawh tawk ang zela pe a, lo inhralh tura ngen an ni a. Mipuite pawhin zawm a, chi ai lo turin kan inhriattir e.
