559/2025-2026

Lunglei, 2025 Ṭomir thla ni 10: Lunglei District Disaster Management Authority (DDMA) Chief Executive Officer Pi Rochuangkimi Khenglawt chuan vawiin khan a hnuaia mi ang hian mipui hnena thurawn a chhuah:

"1. Tun laia India leh Pakistan inkar boruak inmung chho mekah Lunglei District mipuite chiai lo turin kan inngen a.

"2. Social media-ah thuthang dik lo leh belh chian dawl lo leng vel tam tak a awm ṭhin avangin kan thu hmuhte a dik ngei tih finfiah hma chu awih ngawt loh tur a ni a. Sawrkar aṭanga official-a thu chhuah chauh rin tur a ni.

"3. Sawrkar Laipui chuan ram venghimtu sipaite veivak leh che vel reng reng thlalak, video leh news anga vawrh darh a khap a. Hei hi Lunglei District-a chanchinbu mite, TV news channel, youtuber, social media content creator leh mipuite'n zawm vek tur leh ram chhung himna leh ralmuanna tibuai thei thu chhuah leh theh darh lo tura fimkhur turin kan inchah a ni.

"4. Dawrkaite'n thil man tito lo turin kan inngen a. Sawrkar chuan ni tin mamawh ei leh bar, petrol/diesel, cooking gas (LPG) a khaihlak loh nan theih tawp a chhuah reng a. Chu vangin, mipuite pawh chiai avanga mahni mamawh bak thil lei leh chhek khawl chiam lo turin kan inngen a ni."