Inrinni kalta 10th May 2014 khan Lunglei District Anti- Tobacco Squad te chuan 'squad drive' an nei a, Lunglei khawchhunga thingpui dawr leh dawr hrang hrang ten COTPA dan an zawm that leh that loh an enfiah a ni.

COTPA Section 6-na (Kum 18 hnuailam hnena vaihlo leh a kaihhnawih hralh/zawrh khap) danin a phut angin, dawr hrang hranga 'signage' tar lote chu tar sak an ni. COTPA Section 4 (puipunna hmuna meizuk khap) zawmlo restaurant hrang hrangah 'signage' tar a ni bawk. COTPA Section 4 dan hian puipunna hmuna meizuk a khap tlat a, he danin puipunna hmun a tih te chu damdawiin, zirna in, office, court building, bazar, community hall, khelmual, hotel, restaurant, motor (public carrier) leh bazar-na hmunpui (shopping mall) an ni.

Puipunna hmuna meizu te hi COTPA Section -21 hmangin Rs 200/- thleng chawitir theih an ni.