1663/2024-2025

2024 Thlazing ni 20: Vawiin khan Lunglei District Additional Deputy Commissioner Pu James Miahlung chuan Lunglei District chhunga iron rod zuartute zawm tur thupek a chhuah.

He thupekah hian tun hnaia Lunglei khawpui chhunga iron rod zawrhna dawrte endikna aṭangin iron rod zuartu zingah buk lova iron rod hralh an awm tih hriat a nih thu leh buk lova iron rod hralh hi dan bawhchhiatna a nih bakah, consumer dikna chanvo rah behna a nih thu te a tar lang a.

Section 34, Legal Metrology Act, 2009 leh Rule 10, Mizoram Legal Metrology (Enforcement) Rules, 2010-in a sawi angin, Lunglei District huam chhunga iron rod zuar zawng zawngte'n iron rod an hralh chhuah hmain bukna dik tak hmangin an buk hmasa ngei ngei tur a ni, tia thupek hi chhuahin, he thupek zawm lote chu Legal Metrology Act, 2009 leh Mizoram Legal Metrology (Enforcement) Rules, 2010 hnuaiah hrem an nih tur thu a tar lang bawk.