1577/2026-2027

Lunglei, 2026 Vawkhniahzawn thla ni 30: Health & Family Welfare Department (H&FW), Lunglei District leh Public Health Engineering Department (PHED), Lunglei WATSAN Circle, NABL Accredited Water Testing Laboratory te chuan nimin, July ni 29, 2026 (Nilaini) khan Lunglei District Mualṭhuam North khuaa khawsik awm na hri leng mek chungchang an zir chiang a. Hri len chhan zir chian nan an tui tlan hnar a thianghlim leh thianghlim loh endikin, hri leng khuahkhirh a nih a, hri laka mipui an him theih nan tui tihthianghlim, damlo endik leh enkawl kawngah beihpui an thlak mek.

Mualṭhuam North-a hri leng endiknaah hian nimin khan H&FW-a thawktute chuan damlo 99 enin, hei hi a khaw pum mihring awm zat 1,570 aṭangin 6.3% a ni a. Damlo ente hi kum 2–63 inkarte niin, hmeichhia 47.1% an ni a. Damlo zingah hian sikul kal lai an tam ber a. An natna inṭanna hi sikul kalna aṭang leh inkhawmna aṭang te'n nia hriat a ni. 

Hri kai natna lan chhuah hun hi July ni 15, 2026 anga chhinchhiah niin, damdawi ina dah luh (admit) ngai an la awm lo va. Damlote insawiselna ber chu khawsik, lu na, luak leh pum na te a ni tlangpui.

Tun dinhmunah chhungkaw puma khawsik leh khuh (awm na) nei kawp 67.6% an awm a. An tui tlan hi vantlang tui lak leh ruah tui te niin, tui chhuan so in chu 29.4% chauh an ni a. Damlo endikte hi 50% chu khawsikpui (typhoid) an kai leh kai loh en niin, 67.6% chu rannung seh (scrub typhus) an kai leh kai loh endik a ni a. An natna bul ber endik turin sample ṭhenkhat chu Zoram Medical College & Hospital (ZMC&H)-ah RTPCR-a endik turin thawn nghal a ni.

PHED Lunglei WATSAN Circle, NABL Accredited Laboratory-a mi thiamte chuan Mualṭhuam North khaw tui tlan hi endikin, khawtlang hruaitute nen tui tihthianghlim leh inven dan te an zir ho nghal a. PHED aṭangin tui tihthianghlimna ṭha chi, Japan siam pawh Mualṭhuam North-ah hian thlen nghal niin, hri leng hi dan chah theih thuai beisei a ni.

Uluk leh chiang zawka hri leng nihphung hriat fiah a nih theih nan Mualṭhuam North mipui tui tlan hi NABL Accredited Water Testing Laboratory, PHED Lungleiah leh ZMC&H, Aizawlah te enfiah mek a ni bawk.