1576/2026-2027 

Dated Aizawl the 30th July, 2026 : Nimin 29.7.2026 khan Minister Pu B.Lalchhanzova chuan a office-ah Neuhof English Medium School lehkhabu chhuah thar "Hmanlai Mizo Thawnthu" Vol. 1, 2 leh 3 chu a tlangzarh.

Minister Pu B.Lalchhanzova chuan hetiang lehkhabu ṭha, Mizo thawnthu hrang hrang lawrkhawm chuanna chhuah thar a ni chu lawmawm a tih thu sawiin, ṭhangthar ten hetiang thawnthu ṭha tak tak kan neih te chhiar tur an nei ta chu ṭha a tih thu a sawi a. Mizo te folklore lama kan duai bik loh zia a pho lan mai bakah hetianga literature a hmasawnna a awm zel theih nana Neuhof English Medium School ten hetiang an buatsaih chu lawmawm a tih thu a sawi bawk.

Kum 2025-a MAL Book of the Year dawngtu Pu Lalrammawia Ngente chuan lehkhabu thlirlawkna hun a hmang a. Mizo thawnthu neih ṭha tak tak hetianga pholan a ni thei ta hi lawmawm a tih thu sawiin helama ṭhangthar ten inchhiarzauna tur an nei ta hi vannei a tih thu a sawi bawk a ni.