4902/2025-2026

Lunglei, 2026 Vau thla ni 18: Animal Husbandry & Veterinary Department scheme National Livestock Mission (NLM), Mizoram sawrkar flagship Bana Kaih (Handholding) Scheme leh National Insurance Company Limited (NICL) ṭang kawp hma lakna, Livestock Insurance Scheme khuh hawnna (kick-off) leh inzirtirna chu vawiin khan Lunglei District AH&Vety Conference Hall-ah buatsaih a ni.

He hun hi AH&Vety Department Joint Director (Southern Zone) Dr Ngurzidingi Sailo chuan a kaihruai a. NICL Lungleia Administrative Officer Pu Israel K. Lalawmpuia chuan Livestock Insurance Scheme awmzia leh a kalpui dan tur a zirtir a. Sawrkar leh AH&Vety Department-in ran vulhtute hma ngaia scheme ṭha tak an duang chhuak chu lawmawm a tih thu sawiin, ran vulhtute'n ṭangkai taka an hman a beisei thu a sawi.

Kick-off cum training programme-ah hian Insurance Scheme buaipuitu tur – Lunglei District AH&Vety staff-te, MzSRLM leh DAY–NULM te bakah, a chhawr ṭangkai tur Vawk Vulh Association leh Milk Union Limited Lunglei te an tel.

Livestock Insurance Scheme hian vawk, bawng, sial, kel leh beram te a huam dawn a. Mahni ran vulhte insurance ti duh chuan NICL-a thawkte leh AH&Vety Dept-a thawkte zawh fiah theih a ni.