No.227/2021-2022

Lunglei the 22nd April 2021 - Mizoram chhunga COVID-19 kai thar chak taka an pun avangin leh COVID-19 do kawnga thawktu ten chak leh felfai zawka hma an lak theihna tura mipui punkhawm leh chet vel chungchanga Disaster Management & Rehabilitation Department-in Inkhuahkhirhna Thupek a tihchhuah, 26/04/2021 zing dar 4:00 thlenga Mizoram puma hman tur chu Lunglei District-ah pawh uluk leh fimkhur taka kenkawh mek a ni.

Inkhuahkhirhna thupek hi Lunglei District-ah tha taka kalpui anih theihnan District chhunga VLTF-te leh sawrkar thuneitute tangkawpin theihtawp an chhuah mek zel a. VLTF-te anmahni veng theuhah duty-in, VLTF phalna neia sumdawnna leh hna kalpui theihte chu mahni veng mila ruahmanna siam a ni a. Sawrkar Department-te pawh a pangngai (full strength) a kal tura tih te lo chu Head of Office-te ruahmanin staff-te an inkalchhawk a ni. Lunglei khawpui kawng dung ah nidang aiin lirthei leh mihring chhuak an tlem hle a ni.

Lunglei town area VC 24-ah Department hrang hrang atangin Covid-19 Executive Duty mi 198 ruat niin, VLTF-te nen tangkawpin an duty a. Police lam pawh ngawrh taka duty kalpui mekin, shift hnih (2) – chhun leh zan ah duty kalpuiin Lunglei khawpui chhung lun lai hmun nga (5) ah an duty a. Hemi bakah hian police flying squad ten Lunglei khawpui leh a chhehvelah 24 hours patrolling an kalpui bawk a ni.

Lunglei District chhungah Executive Magistrate/Incident Commander pasarih (7) te ruat niin heng Magistrate-te hian an bial chhunga VLTF-te ruahmanna an siampuiin harsatna an neihah te ruahmanna an siam pui a ni.

S No

Name of Magistrate

Area to be Covered

Phone Number

1

James Miahlung

Bazar Veng, Electric Veng, Chanmari, Salem, College Veng,

 9856294258

2

Carolyn LB Khiangte

Pukpui, Serkawn, Zotlang, Zohnuai

8414917324

3

C. Lalduhzuali

Farm Veng, Ramthar, Lunglawn, Luangmual, Sethlun

 8413058436

4

Lalsanglura

Lungsen RD Block

7085979191

5

Margaret J Vanlalremmmawii

Theiriat, Hrangchalkawn, Lungpuizawl, Zobawk N&S

 8131932592

6

Denny Lalchhuanawma

Bunghmun RD Block

6009534850

7

Collin Hlychho

Venglai, Rahsiveng, Venghlun, Sazaikawn, Hauruang

 7005751607

Lunglei District-ah tun dinhmunah Dedicated COVID Health Center (DCHC) pakhat - Urban Primary Health Centre (UPHC), Sazaikawn neih mek niin  Covid Care Centre (CCC) pahnih - Zobawk PHC leh SIRD Pukpui te a awm a. Tourist Lodge Zotlang leh DIET Lunglei te chu Quarantine Centre atan ruat an ni bawk.

Tun dinhmunah Lunglei District-ah Covid-19 positive enkawl mek mi 26 awmin an zavai hian SIRD Pukpui CCC-ah dah an ni. Home quarantine mi 31 awm mekin 2nd Battalion MAP mi leh sa anmahni hmun Luangmuala inkhunghrang mi 46 an awm mek bawk a ni. 

Attachment

  • Loading attachment...