Vawiin hian India Independence Day Champha vawi 63-na chu Thuamluaia Mual Lunglei-ah hman a ni a. Pu John Rotluangliana, Dy. Speaker Mizoram chuan zing dar 7-ah hnam puanzar pawt pharhin Parade Contingent 20-te March Past salute a chhawn.
Pu John Rotluangliana chuan thu sawiin India zalenna atana sualtu zawng zawngte zahna leh chawimawina vawiinah hian kan hlan thar leh a ni a ti a.  Mizoram state flagship programme NLUP hmanga mirethei chawi kan tum a nih thu te, zirna tha leh changtlung zawka kalpui tum a nih thu te, Lunglei Convention Centre sak tum a nih thu te,  rel kawng thui zawk siam tum a nih dan leh state sorkar-in Mizoram pum huap leh Lunglei District hmasawn nana hma a lo lak mekna kawng hrang hrangte a sawi chhuak bawk a ni. Inpumkhatna tha tak nena sorkar tawiawma thawk ho turin mitin a sawm bawk.

Tukin zing dar 7-ah bawk khan Pu N.K. Chakma, DM&R Minister chuan Tlabung Public Playground-ah hnam puanzar pawtpharhin Parade Contingent 10 te March Past salute chhawnna a nei bawk.

Tukin zing dar 7-ah khan Pu S. Laldingliana, Parliamentary Secretary chuan Hnahthial Public Playground-ah hnam puanzar pawtpharhin Parade Contingent 12-te March Past salute a chhang let bawk a ni.