Tukin dar 7:30 khan Khawtetlang Field ah Independence Day puala inkhawm neih a ni a, FCS&CA Minister Pu H.Rohluna'n a hman pui.
Minister hian Parade Contingent 11 te a endik hnuah thu sawiin "Buh leh thlai tam zawka tharchhuah a nih theih nan Sawrkarin nasa takin tan a la a ni" a ti a. Lo neitute mamawh phuhru turin thlai chi tha, khawl, irrigation leh ram leilung buatsaih sak kawngahte nasa taka hma a lak thu sawiin, mipuiten buhfai eitur man tlawm zawka an lei theih nan Sawrkar chuan FCI atang thla tin quintal 80,000 (Rs. 2140 per qtl) lei chhuakin mipui hnenah a leichhuahna aia tlawm zawk (Rs. 950 per qtl) in a pe chhuak leh a, buhfai subsidize nan Mizoram Sawrkarin thla tin Rs. Vaibelchhe 9.60 a seng thin a ti a. Tun dinhmunah chuan Sawrkarin buhfai a chhek khawl tam tawk a, mipui tan thlaphanna tur a awm lo tih thu a sawi bawk.
Minister chuan Lunglei, Mamit leh Aibawk-ah kudam thar sak a nih tur thu sawiin, MNF returnee Remna Run chhuak chhungkaw 70-te tan Sawrkarin hna a siam sak tur thu a sawi bawk.
Minister chuan Serchhip District hmasawnna atana Sawrkar hmalakna leh hmachhawp hrang hrang sawiin Women Hockey Training Centre, Thenzawlah Artificial Turf phah thuai a nih tur thu a sawi a, Serchhip-ah Stadium complex buatsaih a nih thu sawiin Serchhip Field No 1-a Auditorium sak hna pawh fur ruahtui han veleh a tan a ni ang a ti.
Minister chuan dan hmanga rorelna dik a awm theih nan Sawrkarin chak lehzualin hma a la tih sawiin Serchhip leh Lawngtlaiah pawh District Jail hawn thuai a ni dawn a ti a, Senior Civil Judge-cum-Chief Judicial Magistrate pawh District tinah dah an nih tawh a ti bawk.
Pu Rohluna chuan hriselna lama Sawrkar hmalaknaah pawh Serchhip District-in hmun pawimawh tak a luah a ti a. District Hospital thuam that a nih dawn bakah Thenzawlah khum 50 awm theihna AYUSH Hospital din a nih tur thu te, Serchhip District chhunga College of Nursing & Mid-Wifery din a nih tur thu te sawiin PWD National Highway Circle leh Division Office pawh Serchhip-ah hawn thuai a nih tur thu a sawi bawk.
Minister hian thu a sawi zawh hian Parade Cotingent-te Salute a chhang let a, hemi zawh hian March Past ti tha lawmman a sem nghal a ni.
Serchhip-a Independence Day puala inkhawmah hian Serchhip D.C te, S.P te bakah Sawrkar official pawimawhte an tel kim hle a ni.
Minister chuan Lunglei, Mamit leh Aibawk-ah kudam thar sak a nih tur thu sawiin, MNF returnee Remna Run chhuak chhungkaw 70-te tan Sawrkarin hna a siam sak tur thu a sawi bawk.
Minister chuan Serchhip District hmasawnna atana Sawrkar hmalakna leh hmachhawp hrang hrang sawiin Women Hockey Training Centre, Thenzawlah Artificial Turf phah thuai a nih tur thu a sawi a, Serchhip-ah Stadium complex buatsaih a nih thu sawiin Serchhip Field No 1-a Auditorium sak hna pawh fur ruahtui han veleh a tan a ni ang a ti.
Minister chuan dan hmanga rorelna dik a awm theih nan Sawrkarin chak lehzualin hma a la tih sawiin Serchhip leh Lawngtlaiah pawh District Jail hawn thuai a ni dawn a ti a, Senior Civil Judge-cum-Chief Judicial Magistrate pawh District tinah dah an nih tawh a ti bawk.
Pu Rohluna chuan hriselna lama Sawrkar hmalaknaah pawh Serchhip District-in hmun pawimawh tak a luah a ti a. District Hospital thuam that a nih dawn bakah Thenzawlah khum 50 awm theihna AYUSH Hospital din a nih tur thu te, Serchhip District chhunga College of Nursing & Mid-Wifery din a nih tur thu te sawiin PWD National Highway Circle leh Division Office pawh Serchhip-ah hawn thuai a nih tur thu a sawi bawk.
Minister hian thu a sawi zawh hian Parade Cotingent-te Salute a chhang let a, hemi zawh hian March Past ti tha lawmman a sem nghal a ni.
Serchhip-a Independence Day puala inkhawmah hian Serchhip D.C te, S.P te bakah Sawrkar official pawimawhte an tel kim hle a ni.
Attachment
- Loading attachment...
