No.2167/2020-2020

Lunglei District mi leh sa state pawn atanga lo haw, government quarantine facility, community quarantine facility leh home quarantine-a khung hran mek zat chu vawiin chhun dar 12:00 thleng khan mi 764 a ni a. Hengte hi sawrkar Quarantine Centre/DCHC/CCC-ah mi 466, Community Quarantine (kohhran hall) ah mi 208 leh mahni ina inkhunghran (Home Quarantine) mi 90 an ni.

Nimin 17/06/2020-a ZMC sample process result tih chhuah ah Lunglei District ah Covid-19 positive pakhat hmuhchhuah belh niin tun dinhmunah Lunglei District-ah Covid-19 positive case 46 a awm. Tuna positive hmuhchhuah leh hi Community Quarantine Centre – BCM Chanmari-a awm sa mek niin  Covid Care Centre, Lunglei Gov’t College-ah enkawl tura dah nghal a ni. BCM Chanmari CQC hmunhmate hi Disinfection Team ten an ti thianghlim nghal a ni. 

Hemi chungchangah hian Lunglei DC chuan vawiin khan thuchhuah siamin regulation 11(1)(b) of the Mizoram Epidemic Disease (COVID – 19) Regulations, 2020 behchhanin Community Quarantine Centre – BCM Chanmari hung chhungah Medical duty, security duty, Deputy Commissioner – in phalna a pekte leh he Community Quarantine Centre-a thawk tura ruat-te bak mi tumah an lutin an chhuak tur a ni lo.