No.2190/2020-2020

Lunglei District mi leh sa state pawn atanga lo haw, government quarantine facility, community quarantine facility leh home quarantine-a khung hran mek zat chu vawiin chhun dar 12:00 thleng khan mi 769 a ni a. Hengte hi sawrkar Quarantine Centre/DCHC/CCC-ah mi 470, Community Quarantine (kohhran hall) ah mi 208 leh mahni ina inkhunghran (Home Quarantine) mi 91 an ni. Meghalaya, Jharkhand leh Karnataka atangin mi pali (mipa – 1 leh hmeichhia - 3) lo haw belhin an ni hi HATIM Pukpui Quarantine Centre-ah dah luh an ni.

Nimin 17/06/2020-a ZMC sample process result tih chhuah ah Lunglei District sample 260 test niin a vai hian a negative vek a ni.

Tun dinhmunah Lunglei District-ah Covid-19 positive case 46 awm mekin an zinga mi pahnih te hi Lunglei District Dedicated Covid Health Centre (DCHC), ETC, SIRD Pukpui ah awmin a dang 44 chu Covid Care Centre (CCC), Lunglei Government College-ah dah hran niin, an hriselna dinhmun vil reng a ni.