No.2855/2020-2020

Lunglei District-ah Quarantine Facility-a khung hran mek zat chu vawiin chhun dar 12:00 thleng khan mi 110 an ni a. An zavaiin sawrkar Quarantine Centre/DCHC/CCC-a awm an ni.

Nimin chhun dar 12 leh vawiinah chhun dar 12 inkar khan Lunglei District ah mi 12 quarantine atanga thlah zalen an ni.

Polytechnic Quarantine Facility-ah mi 19 khunghran thar an awm a. An ni hi state pawn atanga lo haw ni lovin Covid-19 positive-te Contact Tracing kal mek avanga khunghran an ni.

Vawiin (8/7/2020) khan Lunglei Civil Hospital TrueNAT laboratory a swab sample 19 test result hriat niin positive thar pathum hmuhbelh a ni. Positive tharte hi 60 Bn BSF mi leh sa, mipa vek, kum 50 a upa pahnih leh kum 58 a upa pakhat an ni a, Jammu & Kashmir, West Bengal leh Uttar Pradesh atanga July ni 1, 2020 a rawn thleng, JNV Pukpui, (Lunglei) a quarantine mek an ni. 7/7/2020 khan swab sample lak niin test nghal a ni a. Mipui contact an nei lova, tun dinhmunah symptoms nei an awm rihlo. Positive pathum te hi DCHC, SIRD Pukpui ah dah luh nghal an ni.

Covid-19 positive, DCHC, Lunglei atanga ZMC-a refer, 04/07/2020 (Saturday) a phur phei chu enkawl dam tawh niin vawiin chhun khan ZMC atanga discharge a ni bawk. Tun dinhmunah Lunglei District-ah Covid-19 positive enkawl mek mi 10 an awm a ni.

JNV, Pukpui Quarantine Facility a awm mekte hi 60 Bn BSF, 61 Bn BSF leh 131 Bn BSF ami te an ni. Nimin (07/07/2020) PR No No.2817/2020-2020 –ah an zavaia 131 Bn BSF ami tih tarlan kha tihsual palh a ni e.