No.2782/2020-2021 

Lunglei District mi leh sa state pawn atanga lo haw khung hran mek zat chu vawiin chhun dar 12:00 thleng khan mi 61 an ni a. An zavaiin sawrkar Quarantine Centre/DCHC/CCC-a awm an ni. Tun dinhmunah Lunglei District-a Community Quarantine Centre (Kohhran Hall)-te khar fel vek tawh niin mahni ina inkhunghrang (home quarantine) an awmlo bawk a ni.

Quarantine period hmang zo tawh, RT-PCR result chhuaka negative bawk te chu Quarantine Centre atanga chhuah phalna pek mek zel niin nimin chhun dar 12 leh vawiinah chhun dar 12 inkar khan Lunglei District ah mi 2 quarantine atanga thlah zalen an ni.

04/07/2020 (Inrinni) tlai khan Lunglei Civil Hospital Truenat khawl hmangin mi pahnih Covid-19 positive hmuchhuah an ni a. An pahnih hian Military Quarantine Facility, BSF Base Camp, Vanhne a awm laite niin nimin (05/07/2020) zing khan DCHC - ETC SIRD, Pukpui ah dah nghal an ni a. Tin, nimin vek khan Lunglei District Medical team te he BSF Base Camp, Vanhne ah kalin helai hmuna la cheng zawng zawng mi 25-te swab sample an la nghal a. Nizan khan tlaivarin heng sample te hi Lunglei Civil Hospital Truenat khawl ah test niin mi panga (5) dang Covid-19 positive hmuhchhuah an ni a. An ni pawh hi vawiin (06/07/2020) chawhma khan DCHC - ETC SIRD, Pukpui ah dah nghal an ni. Contact Tracing tih nghal a ni a, Police lam leh Medical Team ten a tul angin hma an la zui zel a ni.

DCHC- ETC, SIRD, Pukpui a enkawl Covid-19 positive pakhat chu ZMC-ah refer niin inrinni (05/07/2020) khan ZMC-ah sawn phei a ni.