Lunglei District chhunga Assembly Constituency 7 : 29(ST)-South Tuipui, 30(ST)-Lunglei North, 31(ST)-Lunglei East, 32(ST)-Lunglei West, 33(ST)-Lunglei South, 34(ST)-Thorang leh 35(ST)-West Tuipui-ah te tluang takin inthlanna nei zawh hnuah Polling Station 175 atanga EVM zawng zawng pawh lo thleng kim tawh a. Vawiin chawhnu dar 2:00 khan Saikuti Hall Strong Room-ah General Observers ten DC/DEO Pu V.Sapchhunga leh Returning Officers hovin EVM leh polling kaihnawih thildangte enfiahna (scrutiny) an nei nghal a ni. Scrutiny an nei hovah hian General Observers te chu an lawm tawk a, inthlanna kalpui a nih dan leh polling party-te hnathawhah an lungawi thu DEO an hrilh a ni.

Nimin tlai dar 4:00-ah vote thlak hun khar a nih hnuah Lunglei East biala Hlumte khua atangin EVM dahna tur Strong Room a thleng hmasa ber a, nimin tlai dar 4:40PM khan a thleng nghal a ni. West Tuipui biala New Sachan khua EVM a thleng hnuhnung ber a, tukin zing dar 11:00 khan a thleng thung a ni.

Hetiang hi bial tina EVM thleng hmasa ber leh hnuhnung ber chu a ni :-

South Tuipui: Thleng hmasa ber Tarpho, thleng hnuhnung ber Cherhlun

Lunglei North: Thleng hmasa ber Zohnuai, thleng hnuhnung ber Chhipphir

Lunglei East: Thleng hmasa ber Hlumte, thleng hnuhnung ber Rotlang E

Lunglei West: Thleng hmasa ber Venghlun, thleng hnuhnung ber West Bungtlang

Lunglei South: Thleng hmasa ber Sairep, thleng hnuhnung ber Thangte

Thorang: Thleng hmasa ber Thehlep, thleng hnuhnung ber Mauzam

West Tuipui: Thleng hmasa ber Thanzamasora, thleng hnuhnung ber N.Sachan a ni ve thung.