Tukin zing dar 7:00 khan Lunglei District chhunga Socio-Economic & Caste census 2011 chu Lunglei DC Quarter atangin tan a ni. Census Enumerator te DC in ah kal in Lunglei Bawrhsap Pu V.Sapchhunga, IAS leh a chhungkua te chhiarpui lehkhabu ah an ziak lut hmasa ber a ni.

Bawrhsap chuan Census chu ram leh a chhung a mi cheng te chin chang hriat chian nan a neih a nih thu a sawi a, Sawrkar tan hmasawnna ruhrel dindan tur kawng a awlsam bakah mi harsa leh chhawmdawl ngaite zawn chhuah nan a tangkai dawn a ni a ti. Census official te chu an hna tha taka thawk tur leh a pawimawh na hre chiang turin a fuih nghal a ni.

Socio economic census 2001 hi sawrkar laipui in In-Media, Kolkata leh ECIL, Hyderabad a awm te hnen ah contract in a thawh tir a ni a, heng company ai ah te hian Enumerator ruatin hna an thawh thu census official te chuan an tarlang a, Lunglei District bik hi May thla chhung a tuam chhuah vek an tum a ni.