3069/2023-2024

LUNGLEI; the 16th,December' 2023: Nimin khan Lunglei  Deputy Commissioner Pi Ramdinliani, IAS  hovin  DC Conference Hall ah Sawrkar laipui atanga ruahmanna siam thar Viksit Bharat Sankalp Yatra chungchang sawi hovin District Coordination Committee  meeting neih a ni. He hunah hian Sorkar laipui Scheme kalpuitu Department te an tel a ni.

Meeting ah hian Pi Ramdinliani  chuan Viksit Bharat Sankalp Yatra chu sawrkar laipuiin scheme hrang hrang a duante mipuiin zau zawka an lo hriat theih nana awareness campaign a nih thu thu a sawi a. Chumi atan chuan District ah pawh a remchan anga inbuatsaih a tul thu a sawi bawk. Ram leh mipui te hmasawnna turin Sawrkar laipui chuan State Sawrkar te kaltlangin scheme hrang hrang a kalpui mek a. Heng scheme a kalpui te hi a tak taka chhawrtu tur leh tangkaipui ber tur mipui mimirin chiang zawka an hriat a, anmahni leh an chhungkaw tana tangkai taka an hman ve ngei theihna tura mahni tawng ngeia inzirtir leh inhrilhriat hi Sawrkar Laipui chuan a ngai pawimawh hle a ni a ti.

He Meetingah hian District Level Committee siam nghal niin  outreach programme a hmalakna tur IEC Van-in District chhung khaw tin a tlawh kual dan tur ruahmanna pawh siam nghal niin, hei hian ni 26 january, 2024 thlenga awh dawn a ni. Lunglei District tan Van pahnih pek niin Van pakhat in Lunglei leh Bunghmun RD Block a tuam ang a, Van pakhat zawkin Lungsen leh Tlabung RD Block a tuam ang. Awareness Campaign neih dantur ruahmanna hi Nodal Officer leh Core Committee in siamin ni 19 December 2023 atang hian bul tan nise tih rel a ni.

Lunglei District Viksit Bharat Sankalp Yatra Nodal Officer atan Pi Lalhlimpuii Ralte, SDO (Sadar)/DCSO, Lunglei chu ruat a ni. Central Scheme kalpui tu  Department tin ten an Department atangin a khawitu tur bik Officer an inruat theuh dawn bawk a ni.