3082/2023-2024

Dated Lunglei, the 16^th December, 2023: Lunglei District Viksit Bharat Sankalp Yatra chu vawiin tlai dar 4 khan district chhung khaw hrang hrang kal tur IEC Van pahnih chu DC Office tual atangin Pi Ramdinliani, IAS, Deputy Commissioner, Lunglei chuan a vai liam.

Sawrkar laipui ruahmannaa State Sawrkar kaltlanga Sawrkar Laipuiin scheme hrang hrang a kalpui mekte a taka chhawrtu tur leh tangkaipui ber tur mipui mimirin chiang zawka an hriat a, anmahni leh an chhungkaw tana tangkai taka an hman ve theih nan mahni tawng ngeia inzirtir leh inhrilhriatna neih hi sawrkar laipui chuan a ngai pawimawh hle a ni. Lunglei District a khaw hrang hrang an tlawh dawn a ni. IEC van pakhat hian Lungsen leh Tlabung RD Block te a tuam ang a, Lunglei leh Bunghmun block te chu pakhat in a tuam ve thung ang.

He hunah hian sawrkar laipui scheme hrang hrang enkawltu department aiawhte an tel a ni.