Vawiin chawhnu  khan Lunglei District Anti Tobacco Squad te chu Medical Superintendent leh Member-Secretary ni bawk Dr SR Ngurchamliana hovin zirna in leh office hrang hrangah Squad Drive an nei.

Vawiin Squad Drive ah hian District Anti Tobacco Squad member-te group hnih ah inthen in zirna in pakhat Govt J Buana College leh Office 13 - PWD, PHE, Fisheries, Labour and Employment, I&PR, DRO, Cooperation Department etc Office-ah te thawk chhuakin Section 4 COTPA 2003 (Puipunna hmuna meizuk) zawm that anih leh nih loh enfiah a ni a. Office tlawh ah te hian meizu emaw mahni dawhkana ashtray/meizukna hnuhma hmuh tur a awm em tih an enfiah a ni. Puipunna hmuna meizial zu mi 4 te man niin Section 4 COTPA hnuaiah Rs. 200/- theuh chawi tir an ni. Puipunna hmuna hriattirna (Signage) awmlohna hmunah te Signage tar tura hriattir niin signage hi Civil Hospital Lunglei Room No 11 ah office hour hun chhungin lam reng theih a ni.

District Anti Tobacco Squad Chairman Lunglei DC Pi K. Lalrinzuali chuan member te chu thahnemngai taka hma la chhunzawm zel turin a chah a ni.