Beti Bachao Beti Padhao (BBBP) Serchhip District hmalak na in Hockey exhibition match cum talent search E. Lungdar Playground-ah neih ani.

Pi Lalrampari, Thenzawl Hockey Academy Coach chuan he programme hian rah tha chhuah ngei se a duh thu a sawi a, E.Lungdar Games & Sport hruaitute leh khawtlang hruaitute pawhin theihtawp lo chhuah chhunzawm se, Mizoram mai nilovin India ram aiawha khel thei hial tura thawh ho pui ah a sawm a ni.Tuna Thenzawl Hockey Academy-a zirlai zingah India Junior Team-a tel mek an awm thu sawiin mumal taka Hockey zir duh an awm chuan Thenzawlah lo kal sela theihtawpin kan lo pui dawn a ni a ti.

He hunah hian VL Remruatpuii, District Programme Co-ordinator, BBP Serchhip chuan E. Lungdar Games & Sports hruaitute hnenah Hockey Stick 13 leh Ball 6 a hlan nghal bawk a ni.

He hun hi Pu B. Zoramthara, President Games & Sports E. Lungdar chuan a kaihruai a, Pu H. Laltana, VCP E. Lungdar chuan hetiang hun tha tak buatsaih ani chu lawmawm a tih thu leh bul tan tur chauh an la ni a, theihtawp chhuaha tan lak a, a hlawhtlinna hmuh ngei theih a beisei thu a sawi bawk.