Vawiin khan DC Conference Hall Mamit-ah Dr Lalrozama IAS , Chairman District level Media Certification and Monitoring Commitee ( MCMC) leh District Bawrhsap ni bawk hovin kan hmalawka MP Lok Sabha Election lo awm tura Print Media leh Electronics Media ah te inthlan kaihnawiha campaign chungchang lo vil tura din MCMC members te chu a vawikhatna a tan thutkhawm a ni.

Vawiin Meeting-ah hian Dr Lalrozama, Chairman MCMC chuan kan hmalawka MP Lok Sabha, inthlan kan hmachhawn turah Election Commission of India- in dan leh zawm tur a tihte tha taka zawm chu kan tihtur a nih thu a sawi a, chumi atana Committee peng pakhat District MCMC  chu din niin Print Media leh Electronics Media te bakah Mimal Candidate te leh Political Party hrang hrangte pawhin tha taka dan kan zawm a pawimawh a ni a ti. Dan zawmlo an awm a nih chuan Mamit District MCMC  chuan thuneihna sang tak a neih angin dan hnuaiah hremna/chawitir theih an nih dawn thu a sawi. District Levela lungawilote tan State Level Media Certification & Monitoring Committee-ah thlen leh theih a ni thu a tarlang  bawk.

Meeting-ah hian MCMC  in Print Media leh Electronics Media te'n Election kaihnawiha mimal fakna emaw, Party mal fakna bik ang hawi zawnga thuchhuah an neihte dan hnuaia khuakhirhna dan thlirho a ni a, chubakah mimal/Party candidate te'n Electronics Media ah  thuchhuah tur an nei a nih chuan Mamit District MCMC  phalna la hmasa lova chhuah phal a nih loh thu tarlan a ni bawk. Electronics Media hian a huam chin chu TV leh Radio bakah Social Media hrang hrang Facebook,  Whatapp, Instagram etc leh bulk SMS te a huam a ni.

Vawiin thutkhawm-ah hian kan hma lawka  MP (Lok Sabha) inthlan kan kalpui turah MCMC inkaihruaina hnuaiah Mamit District chhungah Complain lut a awm leh awmloh thlirho zui a ni a, tun dinhmunah Complain lut a la awmloh thu tarlan a ni.