Vawiin khan Lunglei District Anti-Tobacco Squad-te chu an Chairman Lunglei DC Pu Abhijit Vijay Chaudhari hovin ama office chamber-ah an thukhawm a, hmalak dan tur hrang hrang an sawiho.

National Tobacco Control Programme hnuaiah hian District tinah Tobacco Control Cell a awm a, chu chuan district chhunga vaihlo leh a kaihhnawih tihrem/tihtlem dan tura hmalatu tur Anti-Tobacco Squad a din a. Vawiin meeting-ah chuan Lunglei khawpui chhunga ‘Mass Anti-Tobacco Squad Drive’ nei rawt a nih chu member-ten pawmtlangin Lunglei khawchhunga pisa hrang hrang, khawpui laili laite, mipui punkhawmna hmuna meizute leh zirna in hnaia vaihlo lampang leh Dan phal thildang an zawrh leh zawrh lo te enfiah a ni ang a, an mante chu danin a phut angin hrem an ni bawk ang. Chairman DC Pu Abhijit Chaudhari chuan Anti-Tobacco Squad chu taima leh ngun lehzuala khawchhung vil turin a chah a, Dan bawhchhiate chu hrem bakah vaihlo that lohna hrilhhriat a pawimawh thu a sawi a. Vaihlo leh a kaihhawih tihremna kawngah chanchinthar lakhawmtute (media) nena thawhho a, Press Meet koh leh an chanchinbu Editorial leh Article lamah pawh tanla tura sawm tha tih a ni bawk.

Vawiin meeting-ah hian May ni 31-ah khawvel pumhuapa ‘World No Tobacco Day’ hmandan tur rel nghala ni a, Mizoram state-ah chuan a hranpain September ni 11-ah kumtin a hranpain ‘No Tobacco Day’ hman a nih thin thu tarlan a ni bawk. World Health Organisation hmalakna chi khat ‘Global Adult Tobacco Survey(GATS)’ kalpui mekah Mizoram District zawng zawng pawh survey hmanga puitling vaihhlo leh a kaihhnawih laka filhim lo zat chhinchhiah a ni dawn tih Member-Secretary Dr SR Ngurchamliana-in a sawi a; GATS neih hnuhnung berah Mizoram chu vaihlo hmangah a sang filawr lak tih a tarlang bawk. Heng bakah hian Lunglei District Anti-Tobacco Squad atan member thar tur ruat nghal a ni.

GATS hnuaia kum 2009-2010 chhunga Mizoram state-a vaihlo leh a kaihhnawih laka fihlim lo zat chu : TOBACCO USERS : OVERALL( ) - MEN() - WOMEN() (SMOKED & SMOKELESS)

1. Current tobacco users : 67.2 - 72.5 - 61.6

2. Daily tobacco users : 61.7 - 68.7 - 54.4

3. Former daily tobacco users : 2.1 - 3.0 - 1.0