1894/2024-2025

2024 Mimkut thla ni 4: Lunglei District Bawrhsap & Lunglei District Level Committee on Ruihhlo Do Chairman Pu R. Lalṭhazuala chuan vawiin khan Lunglei Home TNT (Thutak Nunpuitu Team) Director Pu C. Lalramnghinglova hnenah Lunglei Home TNT-a ruihhlo ngaite enkawl nana hman tur damdawi bakah, TNT aṭanga damdawi ina damlo kalpuina (referral) senso atan pawisa fai ₹ 10,000/- (cheng sing khat) a hlan.

Thilpek inhlanna hi Bawrhsap pindan chhungah buatsaih niin, Additional Deputy Commissioner Pu James Miahlung chuan Bawrhsap hi a ṭawiawm a. Bawrhsap Pu R. Lalṭhazuala chuan TNT hma lakna chu chhuanawm a tih thu sawiin, an rawngbawl zelna turah duhsakna a hlan a. Lunglei Home TNT Director Pu C. Lalramnghinglova pawhin ruihhlo dona kawnga an hma lakna hriatpui a, ṭanpuina thilpek petu Lunglei District Level Committee on Ruihhlo Do te chungah lawm thu a sawi bawk.