1895/2024-2025

Aizawl, the 4^th September 2024 : Mizoram Art Development Society(MADS) leh Information and Public Relation (I & PR) Department-te tangkawp chuan Aizawl Art Gallery ah ni 4 chhung awh tur Model Art Study vawiin atangin khan an buatsaih tan.

Model Art Study hi September ni 4 atangin September ni 7 2024 chhunga neih tura ruahman a ni a, tel tur hian  Artist 40  inreport in Group 4 ah then an ni a, Ni 4 chhung hian zing dar 10 atanga tlai dar 4 thleng neih thin tura ruahman a ni.

Model Art Study ah hian Model awmin Artist te hian live in figure leh hmel te entawnin lem an ziak thin dawn a ni.

MADS leh I & PR Department tangkawp hian Art tih hmasawnna turin Programme chi hrang hrang an buatsaih thin a, Sorkar Kum kal lai 2024-2025 chhung hian Outdoor Study, Annual Art Workshop, Online Art Workshop te an lo buatsaih tawh a. Mizoram Art Development Society ah hian Mizoram hmun hrang hrang atangin lemziak mi, members 99 awmin Associate member 5 an awm mek a, Model Art Study hi hetiang tum khat an buatsaihna a ni.