Vawiin chawhma khan Pu J. Mialung, Election Officer, Lunglei kaihhruaina in Lunglei District chhunga Electoral Verification Programme September ni 5, 2019 atanga kalpui na a BLO ti tha 6 te hnenah Election Commission of India duhdan angin lawmman pawisa fai hlanna hun hman ani. Pu David Liansanglura Pachuau, Addl. DC, Lungleiin a hmanpui ani.

Pu David Liansanglura Pachuau chuan EVP kalpui mek ah Mizoram chu India ram state titha te zing ah kan tel ve a, hei hi BLO te hmalakna leh hnathawh that vang ani ati. Electoral Roll felfai tak kan neih theih nan BLO te hi inthlahdah a thiang lova, tan la zel turin a chah ani.

Pu J. Mialung, Election Officer chuan EVP hi India khua leh tui vote nei ten Electoral Roll a an nihna details leh particulars hrang hrang te tihchhianna tura duan niin India ram hmun dangte rualin Lunglei District ah pawh hman ani a, vote neite chuan online atangin anmahni an nihna an tichiang thei a, BLO kaltlangin an ti thei bawk. Lunglei District a vote nei 1,06,875 atangin mi 1,05,920 te nihna tihchian(verify) tawh an ni a, chu chu 99.11% ani. Tihchian loh (verify loh) 955 ah hian 886 hi Bru Camp a awmte ani a, abak 69 hi double entry voter an ni ati.

EVP kalpui na ah BLO titha 6 awm in Lawmman pakhatna la mi pakhat, Lawmman pahnihna la mi pahnih leh Lawmman pathumna la mi pathum an awm a, chung te chu : Pakhatna : R.Lalthakima, Phairuangkai Rs. 10000/- Pahnihna : C. Laltlansanga, Thiltlang leh Lalbiakdika, Venglai II. Rs. 7000/- ve ve.  Pathumna :  C.Lalhmachhuana, Theiriat I,  R.Lalrinpuia, Electric Veng I leh P.Lalengmawia, Khawhri Rs. 5000/- theuh te  an ni.