Vawiin khan Lunglei District chhunga election duty tur Booth Level Officer (BLO) ten Saikuti Hall, Lunglei-ah training an nei a, Lunglei DC/DEO Pu V.Sapchhunga chuan training hi hmanpuiin BLO-te hnathawh dan tur a hrilhfiah a ni.

Pu V. Sapchhunga chuan BLO ten inthlanpui kan hmanchhawn turah eng kawngah mah harsatna an tawh lohna turin tun atanga an inbuatsaih lawk a tul thu a sawi a; harsatna an neih pawhin a rang theih ang bera a hnenah thlen turin a hrilh bawk a ni. A sawizelnaah DEO chuan BLO ten mipuite chu vote thlak tura sawm taima turin a chah a, vote an thlak dan tur zirtir leh kawhhmuh pawh an hnain a ken tel thu te, vote tlak dante a hun taka report pe turin inbuatsaih tha turin leh signal awm lohnaah an duty a nih pawhin a rang thei ang bera report pe thei turin signal awmna pan vat turin a hrilh a ni.