Nimin ni 17.9.2015 (Thursday) khan Lunglei District Boxing Association(LUDBA) chuan August ni 25-28, 2015 chhunga Champhai-a neih zawh tak ‘33rd Mizoram State Open Boxing Championship’-a an player tithate lawmpuina hun SAI Extension Centre, Electric Veng, Lunglei-ah an nei a. Lunglei atanga Boxing Team kalte chuan 1st Runners-Up nihna an hauh bakah medal hawn hnem ber an ni a, an Manager Pu Lalfakzuala chuan ‘Best Referee’ lawmman a dawng bawk.

LUDBA President Pu KT Nghawra chuan lawmna inkhawm hi kaihruaiin an hmalakna leh hlawhtlinna hrang hrang a tarlang a, LUDBA hruaitu tharte hmelhriattirna hun a hmang bawk. Lunglei District Boxing Team-te vanneihna chu Mizorama Boxing Coach tha bera an sawi thin Pu Lalfakzuala an neih hi a ni a, harsatna hrang hrang karah pawh a kaihhruaina leh zirtirna hnuaiah Lunglei District atangin boxer leh Coach tha tak tak, Mizoram hming titha thintu te an chhuak thei reng a ni, a ti. He hun hmanpuitu Lunglei DIPRO Pi Mina Zoliani pawhin Lunglei District aiawha kal boxing team-te hlawhtlinnaah lawmpuina leh hun rawn kal zel tur atan duhsakna a hlan a ni.

LUDBA General Secretary Pu R.K. Lalmuanpuia Report peka a tarlan danah tunhnaia Champhai-a neih zawh tak ‘33rd Mizoram State Open Boxing Championship’-a Lunglei District Boxing Team lawmman hmuhte chu a hnuaia mi ang hi a ni :-

I. GIRLS :

1. Gold Medal :

i) C.Vanlalawmpuii, Farm Veng (Below 30 kgs)

ii) Abisaki, Farm Veng (46 kgs)

iii) Vanlalhmuaki, Farm Veng (48 kgs)

2. Silver Medal :

i). Lalramsiami, Farm Veng (30 kgs)

ii). Zodinpuii, Ramthar Veng (57 kgs)

iii). R.Vanlalremruati, Tuipui’D’ (64 kgs)

iv). Lalramropuii, Farm Veng (40 kgs)

3. Bronze Medal :

i). Mercy Laldinsangi, Farm Veng (40 kgs)

ii). Lalthlamuanpuii, Venglai (57 kgs)

iii). Vanlalruati, Farm Veng (64 kgs)

iv). Lalremruati, Venglai (40 kgs)

II. BOYS :

1. Gold Medal :

i). Joel Zodinmawia, SAI(Zotuitlang) 30 kgs

ii). Ramengmawia, SAI(Pangzawl) 36 kgs

iii). Lalnunzira, SAI(Hauruang) 38 kgs

iv). Lalsangliana, College Veng 57 kgs

v). Isaac Rosangpuia, SAI(Venglai) 46 kgs

2. Silver Medal :

i). David Laldanmawia, SAI(Chanmari) 30 kgs

ii). Saidingliana Sailo, SAI(Venglai) 34 kgs

iii). Robin, Lunglawn 60 kgs

3. Bronze Medal :

i). Remruatdika, Ramthar 34 kgs

ii). R.Malsawmtluanga, SAI(Electric Veng) 48 kgs

III. SENIOR :

Silver Medal :

i). Lalnunmawia, Zohnuaia 49 kgs

Heng bakah hian Quarter Finalist mi 14 lai an nei bawk a ni.

Most Promising Boxer : Joel Zodinmawia, SAI (Zotuitlang)

Team Manager : Lalfakzuala

Coach : Ch.Lalmuanpuia

Kum 2015-2016 chhunga LUDBA hruaitu thlan tharte chu :

President - K.T.Nghawra

Vice-President - Zorammawia

Sr. Vice-President - R.V.Nghaka

Gen. Secretary - R.K.Lalmuanpuia

Jt. Secretary - F.L.C.Sanga & K.Lalremliana

Treasurer - Saithangpuia

Fin Secretary - Lalduhawma Pachuau te an ni.