Pu Lalsawta, Finance Minister chuan vawiin khan Mizoram State Council for Child Welfare buatsaih National Painting Competition 2015 DIET Auditorium a neih chu lawmman semna hun a hmanpui. Inkhawm hi Pu J.C. Japanruna, Working President, MSCCW in a kaihruai a, Pu Rosiama Ralte, Artist and Executive Member, MSCCW in competition chungchangah report a pe.
Pu Lalsawta chuan naupang kalkhawmte chu an talent nasa taka tih pun a nih theih nan theih tawp chhuah turin a chah a. National Level a an tih that ngei duhsakna a hlanin naupangte hamthatna buaipui tura awm Mizoram State Council for Child Welfare awm chu lawmawm a tih thu a sawi bawk.
Mizoram State Council for Child Welfare hi 2000 kum khan din a ni a, tunah hian hmun hrang hrang Creche Centre 100 vel an enkawl mek a, National Bravery Award (President’s Award) hi he pawl recommend atanga dawn thin a niin school leh hostel himna an endik thin bawk a ni. India rampum huapa naupang kum 15 -18 te tan On The Spot Painting Competition for Children chu state tinah State Council te lo buatsaih turin a hriattir thin a, mahni state theuh atanga painting chu Delhi a lo endik leh tur anih avangin, State Level mai nilovin National Painting Competition tih a ni. National Level a lawmman dawng pha te chu Delhi ah escort pakhat nen kalin an lawmman an dawng a. Kal man, thlen man leh tangka fai 1st Prize Rs. 5000/-, 2nd Prize Rs. 3000/- leh 3rd Prize Rs. 2000/- bakah Medal leh Citation leh Class XII an zir zawh thleng scholarship pek an ni.
Vawiina lawmman dawngtu te chu :
Special Group : 1st Prize : Vanengmawii, P.C. Girls School; 2nd Prize : Vanlalpekhlui, P.C. Girls School; 3rd Prize : Lalrinnunga, Govt. Chaltlang H/S
Green Group 5-8yrs : 1st Prize : Remruatpuia, Home Mission School; 2nd Prize : Lalkrosmawii, P.C. Girls School; 3rd Prize : Ruthi Lalsangpuii, P.C. Girls School
White Group 9 - 12yrs 1st Prize : Harshit Sharma Thakur, Mt. Carmel School; 2nd Prize : C. Lalawmpuii, Home Mission School; 3rd Prize : Ayushman Bhardwaj, Mt. Carmel School
Blue Group 13 - 16yrs 1st Prize : David Lalthasiama, Ar Ells School; 2nd Prize : Akangkhya Bhardwaj, Mt. Carmel School; 3rd Prize : Lalrinawma, Ar Ells School